Allaha U Naxariisto Weriye C/casiis Maxamed Cali “Xaaji” ayaa maanta lagu aasay Qabuuraha u dhow Dugsiga Tababarka Boliska “Ex-Scoula Polizia” ee magaalladda Muqdisho.
Mas’uuliyiin ka tirsan Ururka NUSOJ iyo Maamulka Gobalka Banaadir, Suxufiyiin iyo dadweyne aad u fara badan ayaana ka soo qeyb galay Aaska Marxuumkaasi.
Agaasimaha Radio Shabelle, Abuukar Sky, Xoghayaha Guud ee Ururka NUSOJ, Maxamed Ibraahim Macallimu iyo Afhayeenka Maamulka Gobalka Banaadir, C/fataax Cumar Xalane iyo Weriyayaal kale oo ka hadlay goobta lagu aasayey Marxuumka ayaa ku baaqay in la soo qabto dadkii ka dambeeyey dilka Weriyahaasi.
Allaha U Naxariistee Weriye C/casiis Maxamed Cali “Xaaji” oo ka mid ahaa Weriyayaasha Radio Shabelle ayaa waxaa gelinkii dambe ee shalay lagu dilay Xaafadda Towfiiq ee Degmadda Yaaqshiid ee magaalladda Muqdisho.
©Radio Dalsan
