Afhayeenka Milliteriga ee Xuutiyiinta Yemen, Jeneral Yahya Al-Sariic ayaa shaaciyey inay dhowr Gantaal la beegsadeen Markab Booyadle Shidaal oo laga leeyahay dalka UK oo marayey Badda Cas.
Shirkadaha Ammaanka British ee AMBREY iyo UKMTO ayaa xaqiijiyey in Saddex Gantaal ee nooca Lidka Maraakiibta (An anti-ship missiles) lala beegsaday Markabkaasi oo lagu magacaabo Andromeda Star, xilli uu marayey meel 15 nautical miles dhanka K/G kaga toosan Xeebaha Mokha ee Yemen.
Markabka Booyadlaha Shidaalka oo ka soo ambabaxay Dekedda magaalladda Pimorsk ee dalka Raashiya waxa uu ku sii jeeday Dekedda magaalladda Vadinar ee dalka Hindiya.
Dhanka kale, Afhayeenka Kooxda Xuutiyiinta waxa kale oo uu tilmaamay inay soo rideen Diyaarad nooca Darooniska ee MQ-9 Reaper Drones oo ay Milliteriga Maraykanka leeyihiin, taasi oo dul heehaabaysay Hawada Sare ee Gobalka Sacdah (صَعْدَة) ee W/Galbeed Yemen.
