Thaabid Cabdi Maxamed guddoomihii hore ee Gobalka Banadir ayaa dhalinyarada Soomaliyeed ugu baaqay in ay safka hore yimaadaan ayna aqoontooda uga faa’iideyaan bulshada.
Hadal uu soo saaray duqii hore ee Muqdisho ayuu ku yiri:“Dhallinyaradu waa udub-dhexaadka dal walba. Tirada ay dhallinyaradu ka tahay bulshada wadan kasta ayaa lagu saadaaliyaa horumarka maalinlaha ah iyo aayahiisaba. Maanta Soomaaliya waxey ka mid tahay dallalka ugu nasiibka badan caalamka, maadaama bulshadeena lagu qiyaaso in 75% ay dhallinyaro tahay”.
“Taabid oo hadalkiisa sii wata ayaa waxaa uu sheegay in loon baahan yahay in dhalinyaradu ay la yimaadaan fikir cusub oo lagu hour marin karo dalka.
Fursaddaas si looga faa’iideysto waxey u baahan tahay aragti fog, hoggaan fahamsan ahmiyadda dhallinyarada iyo wadatashi Qaran. Sidoo kale dhallinyaradu waa in aaney sugin hambada, taladu maanta ayay idin la gudboon tahay. Waa inaad ka soo muuqataan dhinac walba oo bulshada waxtar u ah.
Waan hubaa in uu baraarug jiro, balse farriinteyda 12ka August waa in ay dhallinyarada Soomaaliyeed safka hore yimaadaan oo ay dalka uga faa’iideeyaan aqoontooda, heybaddoodo iyo hibbada Alle ku maneystay oo nooc walba leh” ayuu yiri Taabid Cabdi.