C/raxmaan Baadiyow oo beeniyay warar lagu faafiyay Baraha Bulshada

Guddoomiyaha Guddiga qaban-qaabada Shirka dib u heshiisiinta Galmudug Cabdiraxmaan Macallin Cabdullaahi (Baadiyow) ayaa been  abuur ku tilmaamay warar lagu faafiyay baraha Bulshada oo sheegayay in Khilaaf uu soo kala dhexgalay Guddiga Shirka.

C/raxmaan Baadiyow ayaa waxaa uu sheegay in Qabanqaabada Shirka dib u heshiisiinta Galmudug haatan uu marayo meel gabo-gaba ah,isla markaana uusan jirin wax Khilaaf ah oo u dhexeeya Guddiga Shirka lagu wado inuu ka furmo Dhuusamareeb.

War qoraal ah oo bartiis Facebook uu kusoo qoray Guddoomiyaha Guddiga qaban-qaabada Shirka dib u heshiisiinta Galmudug Cabdiraxmaan Macallin Cabdullaahi (Baadiyow) ayaa qoraa sidan:-

Hordhaca dhismaha Maamualka Galmudug waa shirka dib-heshiisiinta oo ay horkacayaan hogaanka dhaqanka, kana qaybgalayaan qaybaha bulshada Rayidka ah. Qabanqaabada shirkaas waxey mareysaa gabangabo. War-xuma tashiilka iyo dicaayadaha been abuurka ah waa in laga waantoobo oo danaha dadka Reer Galmudug loo tura oo aan lagu milqin khilaafaadka siyaasadeed”ayuu yiri C/raxmaan Baadiyow.

Hadalkan Cabdiraxmaan Macallin Cabdullaahi (Baadiyow) ayaa waxaa uu yimid,kadib markii maalmihii la soo dhaafay baraha Bulshada lagu faafiyay wrara sheegaya inuu Khilaaf soo kala dhexgalay Guddiga qaban-qaabada Shirka dib u heshiisiinta Galmudug.

Comments
Loading...