Shirka u dhexeeya madaxda Dowladda Federaalka iyo Madaxda Maamul Goboleedyada ayaa waxaa Madaxtooyada Soomaaliya uga socda shir xasaasi ah oo madaxdu ay kaga hadlayaan arrimo la xariira doorashooyinka la filayo in dhawaan ay dalka ka dhacaan.
Warar hoose oo an helayno ayaa sheegaya in Qadoabada qaar is faham laga gaaray, waxaana shirka diiradda lagu saarayaa sidii loo soo dhisi lahaa guddiga Doorashooyinka heer federal iyo heer dowlad Goboleed.
Shirka u dhexeeya Madaxda oo maalintiisii seddexaad galaya ayaa waxaa wararku ay sheegayaan in saacadaha soo socda lagu dhawaaqo waxyaabaha ay ku heshiiyaan Madaxda ku shirsan Madaxtooyada Soomaaliya.
Inta shirku socday ayaa waxaa jiray kulamo gaar gaar ah oo ay laahayeen madaxda ka qayb galaya shirka ka socda Maagalada Muqdisho.
wali madaxdu ma aysan shaacin waqtiga saxdaa  ee uu soo gaba-gaboobi doono shirka u socda, waxaana inta shirkaasi socdo lagu soo dhisidoonaa guddiga doorashada heer Federaal iyo heer dowlad Goboleed iyo Guddiga Xalinta Khifaadka doorashooyinka.
Shirkii dhawaan lagu soo gaba gabeeyay Magaalada Muqdisho ayaa waxyaabihii kasoo baxay waxaa qayb ka ahaa in la dhiso Guddi doorasho oo ka kooban heer federal iyo heer dowlad Goboleed.
