Ugu yaraan 17 qof oo ku geeriyootay Is-buurasho ka dhacday Garoon K/cagta oo ku yaalla dalka Angola.

Saraakiisha Dowladda ayaa sheegay inay Isbuurashadaasi ka dhacday Garoonka K/Cagta ee Degmadda Uige ee Waqooyiga dalkaasi, kadib, markii ay Taageerayaasha isku dayeen inay xoog ku galaan Garoonkaasi oo buux dhaafay..

Kooxaha Santa Rita Cassia iyo Libolol oo ka tirsan Naadiyadda Heerka Koowaad ee dalkaasi ayaa lahaa Kulan aad u kulul, taasi oo keentay inay Taageerayaal badan soo buux dhaafiyaan Garoonkaasi oo qaadi kara 8,000 oo qof.

Wakaalladaha Wararka Portuquese ee LUSA ayaa sheegay inay qaar ka mid ah dadka geeriyooday ahaayeen carruur.

Sidoo kale, Wakaalladda Wararka Angola ee ANGOP ayaa sheegtay inay hdimashadu gaartay 17 qof

Dhinaca kale, Madaxweynaha dalka Angola, Jose Edwardo dos Santos ayaa amray in la baaro waxa sababay shilkaasi oo ay ku geriyoodeen ugu yaraan 17-qof, kuna dhaawameen 67-kale.

©Radio Dalsan

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media