Taliyaha Ciidanka Asluubta Soomaaliyeed S/Guud Bashiir Mohamed Jamac ayaa maanta waxa uu xafiiskisa kulan kula qaatay Safiirka dowlada Holland u fadhiya Soomaaliya iyo ku xigeenkiisa.
Kulana labada dhinaca ay yeesheen ayaa waxa ay ugu wada hadleen sii wadista Mashruuca Xabsiga MPPC iyo sidii dowlada Holland ay dhanka tababbarada uga caawin laheyd Taliska Ciidanka Asluubta Soomaaliyed.
Dhinaca kale Taliyaha Ciidanka Asluubta Soomaaliyeed iyo Safiirka Holland ayaa waxa ay si wadajir ah kormeer ugu sameeyeen Xabsiga MPPC oo si casri ah u dhisan,isla markaana Safiir dowlada Holland u fadhiya Soomaaliya ku amaanay Taliska Ciidanka Asluubta sida wanaagsan ay dadaalka ugu bixiyeen sidi maxaabitsa ay u heli lahaayen adeeg dhameystiran.
Sidoo kale Taliyaha Ciidanka Asluubta Soomaaliyed S/Guud Bashiir Mohamed Jamac ayaa uga mahad celiyay dowlad Holland sida ay u garab taagan tahay Taliska Ciidanka Asluubta Soomaaliyeed.
