Garoonka diyaaradaha Magaalada Baardheere ee Xarunta Gobolka Gedo ayaa waxaa barqanimadii Maanta halkaas shil ku gashay diyaarad ay leedahay leedahay shirkada Buff Air, taasi oo ka ambabaxday Garoonka Aadan Cadde ee Muqdisho.
Dad ku sugan Baardheere ayaa soo sheegaya in diyaaradaan ay aheyd nooca 5Y-WFC ee oo ka duushay Muqdisho, isla markaana ay siday shixnado kala duwan, taasi oo dhabaha Garoonka ku dhacday.
Mas’uuliyiin ka tirsan Maamulka Baardheere ayaa tilmaamay in wax Khasaaro ah uusan ka dhalan shilka ay gashay diyaarada, balse ay dhibaato soo gaartay oo kaliya diyaarada dhacday.
Sawirro laga soo qaaday Diyaaradaas laguna faafiyay baraha Bulshada ayaa muujinayay in diyaarada ay ku dhacday Cagadhigtaan diyaaradaha, waxaana ay ka jabtay mid kamid ah luga xilli ay kala wareegeysay.
