Ra’iisul Wasaaraha Xukuumadda Federaalka Soomaaliya Xasan Cali Kherye oo ku sugan Magaalada Dhuusamareeb ayaa Maanta waxaa uu halkaas ka bilaabi doonaa kulamo kala duwa.
Ra’iisul Wasaare Kheyre ayaa kulamo la qaadan doona Ergada ka qeyb galeysa Shirka dib-u-heshiisiinta Galmudug,kuwaasi oo isaga kala yimid deegaano dhowr ah oo ka tirsan Galmudug.
Sidoo kale Ra’iisul Wasaaraha ayaa Ergada kala hadli doona sidii beelaha dega Galmudug loogu sameeyn lahaa dib u heshiisiin dhab ah,isla markaana si wadajir ah loo dhiso Galmudug mideysan oo loo dhan yahay.
Dhinaca kale Xasan Cali Kheyre ayaa waxaa lagu wadaa in kulan uu la qaato Madaxa Xukuumadda Galmudug Sheekh Maxamed Shaakir iyo Guddoomiyaha Ahlusunna Waljameeca,isagoo kala hadli doona arrimo kal duwan.
Magaalada Dhuusamareeb ee Caasimadda dowlad Goboleedka Galmudug ayaa waxaa lagu wadaa in Maanta Berri ah uu si rasmi ah uga furmo Shirweynaha dib-u-heshiisiinta Galmudug,waxaana daahfuri doona Ra’iisul Wasaare Xasan Cali Khayre,iyadoo Shirka looga tashanayo aayaha iyo dhismaha dowlad gobaleed loo dhanyahay.
Ammaanka Magaalada Dhuusamareeb ayaa waxaa uu yahay mid aad loo adkeeyay,waxaana si wadajir ah u wada sugaya Ciidanka dowladda Soomaliya iyo kuwa AMISOM oo dhawaan halkaas la geeyay.