Muwaadinkaasi oo ka mid ah Qaxootiga Soomaalida ku nool Jesiiradda Malta ayaa lagu xukumay Xabsi Hal sanno ah, kadib, markii lagu helay Fal Xatooyo ah.
Shabakadda Wararka ee Malta Independent Online ayaa qortay in C/naasir Maxamed C/llaahi oo 26 jir ah lagu heley inuu bishan 9-dii jabsaday Kontaynar yaallay Xarunta Furan ee Qaxootiga ee Hal Far Open Center, isla markaana la sheegay inuu ka xaday 15 Joodari.
Eedeysanaha waxaa kaloo lagu soo oogay inuu waxyeelo xooggan u geystay Kontaynarkaasi oo ahaa Hanti ay Dowladda Malta leedahay.
Dhinaca kale, Muwaadin Maraykan ayaa ku dhaawacmay shil ka dhacay magaalladda Victoria ee Malta.
Boliska dalkaasi ayaa sheegay in Ninka Soomaalida laga dhigay Isbitaalka, kadib, markii Baaskiilkii uu watay ku dhacay gaari nooca Toyoto Passo oo uu Muwaadin Maltese ah watay.
Boliska ma sheegin magaca Muwaadinka Soomaaliga ee ku dhaawacmay Shilkaasi, kaasi oo ka dhaawacmay Garka iyo Jilbaha.
©Radio Dalsan
