Maxamed Sharif Abdi oo ahaa Taksiile ayaa aroornimaddii Jimcaha ku geeriyooday shil ka dhacay magaalladda Victoria ee dalka Kanada.
Warbaahinta dalkaasi ayaa sheegtay in Marxuumkaasi oo 44 jir ahaa uu geeriyooday, kadib, markii uu gaarigii uu waday herdiyey baal waddada dhinaceeda ku yaallay.
Shilkaasi waxaa ku dhaawacmay addex qof oo rakaab ahaa, iyadoo labo ka mdi ah rakaabkaasi soo gaareen dhaawacyo halis ah, waxaana la dhigay Isbitaalka Victoria General Hospital.
Marxuumka oo dareewal ka ah Taksiyadda Jaallaha waxa uu dalka Kanada yimid sannadihii 1990-aadkii, waana aabe dhalay labo carruur oo da’oodu ka hooseyso 10-jir.
Madaxa Hawlgalladda ee Taksiyadda Jaallaha, Surinder Kang ayaa sheegay inuu Marxuumku muddo 10-sanno u shaqeynayey Shirkadda, isla markaana kama muuqanin dhibaato dhinaca dareewalnimadda.
Dhinaca kale, Boliska ayaa sheegay inay baarayaan Muuqaalka CCTV-ga, si ay u ogaadaan waxa sababay shilkaasi, waxayna hoosta ka xariiqeen inuu Dareewalku garaiga u kaxaynayey xawli ka badan 40 Kiilomitir saacadiiba.
© Radio Dalsan
