Mareykanka iyo Turkiga oo ka wada hadlay Arrimo muhiim ah

Wasiirka Arrimaha Dibedda ee Turkiga,Mevlut Kavusoglu waxa uu Khadka Telefoonka maanta kula hadlay dhigiisa dalka Maraykanka, Mayk Pompeop, iyagoo isla eegay qoddobo ay ka mid yihiin Gantaalladda Nidaamka Difaaca ee S400 ee ay Turkiga ka iibsadeen Raashiya, Barnaamijka Diyaaradaha F35, iyo Xaalladda dalka Syria.

Hadal ka soo baxay Wasaaradda Arrimaha Dibedda Turkiga ayaa lagu sheegay inay Labada Mas’uul isla eegeen xiriirka labada Waddan oo xubno ka ah Isbahaysiga NATO, balse, lama sheegay haddii horumar laga gaaray Khilaafka Siyaasadeed ee labada dal.

Dhinaca kale, Hay’addaha Ammaanka ee dalka Iraq ayaa sheegay inay gacanta ku dhigeen Eedeysanihii dhawaan Diplomaasi Turkish ah ku dilay magaalladda Erbil ee Waqooyiga Iraq.

Eedeysanaha oo lagu magacaaboMazluum Dag waxaa lagu qabtay Waqooyiga Iraq, isagoo loo haysto dilkii Diplomaasiga Turkishka oo la oran jireyOsman Kose oo isbuucii hore lagu dhex dilay Baar ku yaalla bartamaha magaalladda Erbil ee caasimadda u ah Maamul-gobaleedka Kurdishka ee Waqooyiga Iraq.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media