Telefishinka iyo Wakaalladda Wararka Syria ee SANA ayaa sheegay inay Ciiddanka Difaaca Cirka hawada ku burburiyeen 8 Gantaal oo Waaberigii hore ee saakayto lala maaganaa Saldhig Ciiddanka Cirka ee T 4 oo u dhow magaalladda XOMOS ee Galbeedka dalkaasi.
Dhowr qof ayaa lagu soo waramay inay ku geeriyoodeen ama ku dhaawacmneen Duqeyntaasi
Warbaahinta Dowladda Syria waxay sheegeen inay Maraykanka ka dambeeyeen Duqeyntaasi, inkastoo Waaxda Gaashaandhigga Maraykanka beeniyeen Eedahaas.
Dhinaca kale, Golaha Ammaanka ee QM ayaa la filayaa inay maanta Kulan ka yeeshaan Arrimaha dalka Syria, gaar ahaan Weerarkii loo adeegsaday Kiimikadda ee ka dhacay magaalladda Duuma ee dalka Syria.
Duqeyntaasi oo lagu eedeeyey Ciiddanka Dowladda Syria ayaa la sheegay in lagu dilay 70 qof oo u badnaa carruur iyo haween.
