Kusimaha Duqa Caasimadda ahna Guddoomiye ku-xigeenka Maamulka iyo Maaliyadda Gobolka Banaadir Axmed Xasan Iimaan ayaa Cisbitaalka Digfeer ku booqday qaar kamid ah dadkii shacabka ahaa ee ku dhaawacmay weerarkii lagu qaaday Hotelka Elite ee xeebta Liido.
Maamulka cusbitaalka Digfeer ayaa Guddoomiyaha uga warbixiyey xaalada dhaawacyada, iyaga oo sheegay in ay heleen adeeg wanaagsan ayna heegan ugu jiraan latacaalidda xaaladooda.
Maamulka Gobolka ayaa sheegay in dhaawacyada culus ee u baahan in ay helaan adeeg ka baxsan Dalka in ay gacan weyn ka geysanayaan qaadidooda ayna latashi la samayn doonaan Wasaaradda Caafimaadka.
“Maamulka Gobolku Asaga oo latashi la samaynaya Dhakhaatiirta aaxaa uu dhaawacyada culus ee u Baahan in ay helaan adeeg kabaxsan Dalka uu gacan weyn ka geysanayaa Qaadidooda” ayuu yiri Axmed Xasan Iimaan.
Dhinaca kale Guddoomiye ku-xigeenka Maamulka iyo Maaliyadda Gobolka Banaadir ayaa hotelka Elite oo gelinkii dambe ee shalay lagu qaaday weerar ku bilowday qarax Ismiidaamin ah, waxaana halkaas ku dhintay 16 qof, halka 13 qofna ay ku dhaawacmeen.