Boliska dalka Giriigga waxay sheegeen inay gacanta ku dhigeen Nin lagu tuhunsan yahay Saynis-yahanad u dhalatay Maraykanka oo lagu magacaabi jirey Suzanne Eaton, taasi oo isbuucii hore lagu dilay Jesiiradda Kerete ee dalka Giriigga.
Eedeysanaha oo 27-jir ah ayaa ah Nin u dhashay Giriigga, kaasi oo ka soo jeeda Degmadda Kissamos oo 20-mayl u jirta Degmadda Janiya, halkaasi oo ay Saynis-yahanadda kaga qeyb galaysay Shirweyne.
Afhayeenka Boliska ee Jesiiradda Kerete oo la hadlay Telefishinka ABC News ee Maraykanka ayaa sheegay inay Eedeysanaha qabteen dhowr maalmood kadib, markii ay Boliska baaritaano ku sameeyeen Dheecaanka Hiddo-sidaha DNA-da oo laga qaaday Tobaneeyo qof oo ku nool goobta laga helay maydka Saynis-yahanadda.
Ilo-wareed Boliska ayaa sheegay inuu Eeedeysanaha qirtay inuu geystay dilkaasi, isagoo ku dhuftay gaarigiisa.
Caddaymo muuqda ayaa looga tegay halka lagu dilay Haweeneydaas oo ahaa dhismo ay Ciiddankii Naazigii Hitler ka dhiseen Jesiiradda Kerete ee dalka Giriigga sannadkii 1941-kii, si ay gabbaad uga dhigtaan weeraradda Diyaaradaha Dagaalka.
Â
Â
