Wasiirka Wasaaradda Arrimaha gudaha, federaalka iyo dib-u-heshiisiinta xukuumadda federaalka, Eng. Cabdi Maxamed Sabriye oo la hadlay bulshada Dhuusamareeb ayaa shaaciyay in dowladda Soomaaliyeed aysan ka bixin qodob kamid ah 10-kii qodob ee dowladda federaalka iyo Ahlusunna ay wada saxiixdeen.
Eng. Cabdi Maxamed Sabriye oo sheegay in dowladdu ay ku dadaaleyso in reer Galmudug ay helaan dowlad gobaleed loo dhanyahay ayaa caddeeyay dowladdu ay mar waliba u taagantahay fulinta dhammaan 10-ka qodob ee lagu wada heshiiyay
Heshiiska ay dowladda Soomaaliya la gashay Ahlu Sunna waxaa wada saxiixay Wasiirka arrimaha gudaha, federaalka iyo dib-u-heshiisiinta xukuumadda federaalka iyo madaxa fulinta Galmudug, Sheekh Maxamed Shaakir Cali Xasan.
Si kastaba War-saxaafadeed shalay ka soo baxay Xafiiska Madaxa Xukuumadda Galmudug Sheekh Maxamed Shaakir ayaa waxaa lagu shaaciyay inuu gabe ahaan burburay Heshiis u dhexeeyay dowladda Soomaaliya iyo Ahlusunna Waljameeca,waxaana shacabka reer galmudug Ahlusunna ay ugu baaqday inay isku diyaariyaan difaaca dadkooda,dalkooda,naftooda iyo diintooda.
Hoos ka Dhageyso Codka Wasiirka arrimaha gudaha Soomaaliya.
