Magalada Baladweyne ee Xarunta Gobolka Hiiraan waxa maanta lagu qabtay kulan looga hadlayey xaalada amni ee deegaanada Hir-Shabeelle sigaar ah dagaalkii dhawaan ka dhacay Magaladaas.
Kulanka waxaa goobjoog ka ahaa Guddoomiyaha gobolka Hiiraan Cabdullaahi Muumin Sufuroow,Taliyaha qeybta booliska Gobolka Hiiraan Isaaq Cali Cabdulle Abaanduulaha Ciidanka xoogga dalka Soomaaliya qeybta 27aad ee Gobolka Hiiraan iyo mas’uuliyiin kale.
Ugu horeyn waxaa shirka ka hadlay Taliyaha qeybta Booliska Gobolka Hiiraan Isaaq Cali Cabdulle waxa uuna sheegay in Amniga baladweyne ay Gacanta ku hayaan,isla markaana ay ka hortagayaan cid kasta oo lidi ku ah amniga.
Dhinaca kale Abaanduulaha Ciidanka xoogga dalka Soomaaliya qeybta 27aad ee Gobolka Hiiraan ayaa isna sheegay in marnaba aan la ogolaan doonin in hub sharci darro ah lagu dhex qaato Gudaha Magalada cidii lagu arkaana la toogan doono.
Ugu dambeyn guddoomiyaha Gobolka Hiiraan Cabdullaahi Muumin Sufuroow ayaa sheegay in ay ogyihiin dadka ku lugta lahaa weerarkii lagu qaaday saldhiga Booliska Baladweyne,isla markaana aysan ogolaan doonin in qalalaaso laga abuuro Magalada Baladweyne.
Hoos Ka Daawo sawirrada Kulanka Maanta ee Magalada Baladweyne.
