Bam Gacmeedka ayaa waxa uu ku dhacay Albaabka hore ee Guriga ay dadka Shacabka ah ay deganaayeen oo ku yaalla meel u dhow Xarunta degmada Yaaqshiid,waxana ku dhaawacmay laba ruux.
Dadka dhaawacmay ayaa isugu jira Gabar iyo Eedadeed,waxana Gabadha lagu Magacaabaa Faa’izo Axmed halka Eedada iyana lagu Magacaabo fahmo Cabdulle sida ay ii xaqiijiyeen Dadka mid ah ehelka Qoyska.
Dadka dhaacmay ayaa la geeyay Mid ka mid ah Isbitaalada Muqdisho gaar ahaan Isbitaalka Ibnu-Sinaa oo u yaalla Isla degmada Yaaqshiid si halkaasi loogu daweeyo.
Qoyskaan Caawa Gurigooda ay Bambada ku dhacday ayaa Sanadkii hore ee 2017 waxaa gurigooda hortiisa ku qarxay Gaari uu lahaa Wiil a ehel ahaayeen oo ka tirsanaa Ciidamada Dowladda,waxana qaraxaas uu sababay dhimashada Xasan Maxamuud Dhagey oo ku hooyo ahaa fahmo Cabdulle oo Caawa dhaawacantay.
Mid ka mid ah Qoyska Caawa Gurigooda Bambada lagu weeraray ayaa Dalsan u faah faahisay.
