Maxkamadda ku taalla caasimadda dalka Azerbaan ee Baku waxay shalay xukun ku riday 13 Askar u dhalatay Armenia, kuwaasi oo lagu helay inay si sharci-daro ku soo galeen Xuduudka iyo Falal Argagixiso.
13 Eedeysane waxaa midkiiba lagu xukumay Xabsi 6 sano ah iyo in la masaafurin doono marka ay xukunka dhamaystaan.
Askartaasi waxay qeyb ka ahaayeen in ka badan 60 Askar u dhalatay Armenia oo bishii December ee sanadkii hore lagu qabtay Xuduudka ay Labada dal wadaagaan, iyadoo qaar ka mid ah Askartaasi horey loo sii daayey.
Milliteriga labadaasi Waddan waxay sanadkii hore ku dagaalmaeen Gobalka lagu murunsanaa ee Nagoro Karabaakh, iyadoo 6,000 oo qof lagu dilay dagaalkaasi oo socday muddo 6 Isbuuc ah.