Alle ha u naxariistee waxaa goordhawyed Degmada kaxda ee Gobolkani Banaadir lagu dilay Abwaan Beddal Jaamac Xersi Laangare, oo ka mid ah shaqsiyaadka sida weyn looga garanayay Caasimadda dalka ee Muqdisho.
Wararka aynu helayno ayaa sheegaya in dilka Abwaanka ay fuliyeen kooxo hubaysan oo Bistooladley ah, kuwaasi goobta isaga baxsaday dilka kadib.
Alle ha u naxariiste Marxuumka ayaa inta badan waxaa uu kasoo muuqan jiray Warbaahinta gudaha, isagoo hadba falanqayn jiray moowduuca taaaggan ee u baahan in wax badan laga ogaado, waxaana sidoo kale waqtiyadii ugu dambeeyay uu ka hadlayay arrimo dhowr ah oo quseeya marxaladaha dalku ku jiro.
Goobta uu dilku ka dhacay waxaa gaaray Ciidanka Dowladda Soomaaliya, kuwaasi oo la sheegay in ay howgallo kooban sameeyeen, lamana sheegin ilaa iyo hadda cid ay u soo qabteen dilkaasi loo gaystay Abwaanka miisanka Culus ku dhex lahaa umadda Soomaaliyeed.
Sidoo kale maamulka iyo laamaha ammaanka ee degmada kaxda wax war ah kama soo saarin dilka loo gaystay Marxuum Abwaan Beddal Jaamac Xersi Laangare.
