Ninkii Soomaaliga ee dhawaan Haweeney u dhalatay Maraykanka ku dilay magaalladda London oo maanta la soo Maxkamadeynayo.
Ninkaasi oo lagu magaaabo Zakariya Bulxan ayaa shalay ka soo hor muuqday Maxkamadda, isagoo lagu soo oogay inuu Haweeney u dhalatay Maraykanka oo 64-jir ahayd ku dilay Bartamaha magaalladda London.
Qoraal ay Boliska Dhexe ee Londdon u gudbiyeen Xeer-beegtida Maxkamadda ayaa lagu muujiyey inuu Zakariya Bulxan oo 19 jir ah uu Tooreey ku dilay Haweeneydaasi oo lagu magacaabi jirey Darlene Horton, kuna dhaawacay 5 kale.
Zakariya Bulxam oo ah Muwaadin asalkiisu yahay Somali, balse haysta Dhalashadda Norwegian waxa uu Habeenkii Arbacadda ee la soo dhaafay Tooreey ku weeraray dad ku sugnaa Fagaaraha Rusell Square kuna dhow goobtii ay Isqarxintu ka dhacday sannadkii 2005-tii ee magaalladda London.
Boliska Britain waxay horey u sheegeen inaysan haynin caddaymo muujinaya inu Weerarkii Zakariya Bulxan ahaa Fal Argagixiso.
Dhinaca kale, Eedeysanaha ayaa la filayaa in maanta mar kale la soo taago Maxkamadda Westminster Magistrates’ Court ee magaalladda London.
Bilowgii bishan August, Maxkamad ku taallo London waxay Muwaadin Somali ah ku xukuntay Xabsi Daa’im, kadib, markii lagu helay inuu bishii December ee sannadkii hore tooreey ku weeraray dad rakaab ah oo ku sugnaa Saldhigga Tareenadda dhulka hoostiisa mara ee magaalladda London.
©Radio Dalsan