Qaar kamid ah Xisbiyada Siyaasadeed ee dalka ka jira ayaa war ka soo saaray Doorashooyinka la filayo inay dhawaan ka dhacaan Magaalada Kismaayo.
War-saxaafadeed ay si wadajir ah u soo saareen Xisbiyada kala ah Himilo Qaran, UPD, Wadajir, Ilays, Xisbiga Nabadda ayaa waxaa ay dowladaha deriska qaarkood uga digeen faragelinta ay ku hayaan arrimaha doorashooyinka dowlad Goboleedyada dalka,isla markaana waxaa ay ugu baaqeen inay ka fogaadaan oo aanay dhicin mid la mid ah wixii ka dhacay Baydhabo sanadkii hore.
Sidoo kale Warka ay soo saareen xisbiyada ayaa waxaa ku sheegeen inay walaac xoogan ka qabaan faragelinta dowladda Federaalka ay ku heyso geedi socodka howlaha Doorashooyinka Jubbaland,iyagoona Madaxda dowladda ugu baaqay inay ka dambeeyaan laamaha amniga Jubbaland.
Ugu dambeyntii Xisbiyada kala ah Himilo Qaran, UPD, Wadajir, Ilays, Xisbiga Nabadda ayaa shacabka Jubbaland ugu baaqay inay ka foojignaadan meelaha uga soo wada jeestaan wixii dhaawacaya kalsoonida dhexdooda ah midnimadoodana kala dhantaalaan.
Hoos ka Akhriso War-saxaafadeedka ay soo saareen Xisbiyada dalka.
