Howlgal dad lagu qabtay oo laga sameeyay Muqdisho

Ciidamada dowladda Soomaaliya ayaa xalay waxa ay howlgallo ka sameeyeen xaafado ka tirsan Degmada Hodan ee Gobolkaan Banaadir.

Ciidamada ayaa howlgalka intiisa badan waxa ay ka sameeyeen xaafado gaar ah ka tirsan degmada Hoden,isla markaana ku baarayay guryo ku yaalla xaafadaha howlgalka laga sameeyay.

Ciidamada ayaa howlgalka waxa ay ku qabteen tiro dhalinyaro ah kuwaas oo ay weeydiinayen Su’aalo dhowr ah,waxana la sheegay in qaar kamid ah dhalinyarada la siidaayay.

Ujeedka howlgalka ayaa ahaa mid lagu xaqiijiyo amniga degmooyinka Gobolkaan Banaadir oo mararka qaar ay ka dhacaan dilal.

Howlgalkaan ayaa ku soo aadaya xili xalay askari ka tirsan  Ciidamada dowladda Soomaaliya lagu dilay Isgoyska Black Sea ee Degmada Hodan  ee Gobolka Banaadir.