Warbaahinta dalka Sacuudiga ayaa sheegay inuu Boqor Salmaan Bin C/casiis Al-sacuud shalay Kulan la yeeshay Wasiiro Arrimo-dibadeedyo iyo Diplomaasiyiin ka kala socday dalalka Somalia, Jabuti, Masar, Sudan, Yemen iyo Urdun.
Boqor Salmaan waxa uu Wafuudaasi u soo bandhigay Hindise lagu saxiixayo dhismaha Urur ay ku mideysan yihiin dalalka kaabiga ku haya Badda Cas, si loo xoojiyo Ammaanka Gobalka oo ku yaalla goob Istaraatijiyad muhiim leh, isla markaana looga hortago Khataraha quwadaha kale iyo in la badbaadiyo Maraakiibta Caalamiga ee isticmaala Badda Cas.
Kulankaasi waxaa ka qeyb galay Wasiirka Arrimaha Dibedda iyo Iskaashiga Caalamiga, Axmed Ciise Cawad , Wasiirka Arrimaha Dibedda iyo Iskaashiga Caalamiga ee dalka Jabuuti, Max’ud Cali Yuusuf, Wasiirka Arrimaha Dibedda ee dalka Sudan, Al-dardayri Maxamed Al-dakhuuri, Ku-xigeenka Wasiirka Arrimaha Dibedda ee dalka Yemen, Max’ed Bin C/llaahi Al-xadrami iyo Xoghayaha Guud ee Wasaaradda Arrimaha Dibedda ee dalka Urdun, Zayd Maflax Al-wasi.
Boqorka iyo Wasiiradaasi waxay Kulankodoa aad uga wada hadleen dhismaha Isbahaysiga ee Dowladaha Carabta iyo kuwa Afrikaanka ee kaabiga ku haya Badda Cas iyo Gacanka Cadmeed.
Dhinaca kale, Wasiirka Arrimaha Dibedda ee dalka Sacuudiga, Caadil Al-jubeyri waxa uu sheegay in dhismaha Isbahaysigaasi looga dan leeyahay.
