Ra’iisul Wasaaraha Xukuumadda Federaalka Soomaaliya ee xilgaarsiinta Maxamed Xuseen Rooble ayaa magacaabay ku-xigeenka Xoghayaha Joogtada ah ee Xafiiska Ra’iisul Wasaaraha.
Wareegto kasoo baxday Xafiiska Ra’iisul Wasaare Rooble ayaa waxaa xilka Xoghayaha Joogtada ah ee Xafiiska Ra’iisul Wasaaraha loogu magacaabay inay noqoto Haweeney lagu magacaabo Faaduma Cabdi Cali.
Qaar kamid ah shaqaalaha Xafiiska Rooble ayaa sheegay in Faaduma Cabdi markii horey ay kamid aheyd shaqaalaha Xafiiska Ra’iisul Wasaaraha loona dalacsiiyay xilka cusub ee loo magacaabay.
Sidoo kale Faaduma Cabdi Cali ayaa waxaa ay noqoneysaa Haweeneydii ugu horreeysay ee in muddo ah qabata xilka ku-xigeenka Xoghayaha Joogtada ah ee Xafiiska Ra’iisul Wasaaraha Xukuumadda.
