Qarax Khasaaro geystay oo ka dhacay duleedka Kismaayo

Wararka laga helayo duleedka Magaalada Kismaayo ee Xarunta Gobolka Jubbada Hoose ayaa waxaa ay sheegayaan in Qarax halkaas lagula eegtay Ciidamo ka tirsan kuwa maamulka Jubbaland.

Qaraxaas ayaa waxaa uu ahaa miino nooca dhulka aaso ah,isla markaana waxaa Ciidanka ka tirsanaa Jubbaland lala eegtay xili ay ku sugnaayeen Bar Koontarool oo ku taalla deegaanka Qaam qaamka oo ku dhow Magaalada Kismaayo.

Khasaaro isugu jira dhimasho iyo dhaawac ayaa lagu soo waramayaa inuu ka dhashay qaraxaas,waxaana ku geeriyootay Saddex Askari oo ku sugnaa goobta uu falka ka dhacay.

Al-shabaab ayaa sheegatay Mas’uuliyada qaraxii ka dhacay deegaanka Qaam qaamka oo ku dhow Magaalada Kismaayo,kadib markii War qoraal ah ay kusoo qoreen barahooda ay ku leeyihiin Internet-ka.

Inta badan Al-shabaab ayaa qaraxyo iyo weerar kala duwan waxaa xiliyada qaar la eegtaan fariisimaha ay leeyihiin Ciidanka dowladda iyo kuwa maamul Goboleedyada ee ku yaalla deegaano ka tirsan Gobolada dalka.

Comments
Loading...