Guddiga nabad-galyada Gobolka Nugaal ee Maamulka Puntland ayaa Maanta kulan yeeshay Magaalada Garoowe, iyagoona soo saaray Amaro adeg oo looga hortago faafida Cudurka Coronavirus.
Qoraal kasoo baxay Guddiga nabad-galyada Gobolka Nugaal ayaa waxaa lagu sheegay in iyada oo la fulinayo Amarkii Wasaaradda Waxbarashadda Puntland la joojiyo Goobaha Waxbarashadala isugu yimaado sida Iskuulada iyo Jaamacadaha si looga hortego faafida COVID-19.
Waxaa kaloo Dadka ku dhaqan Gobolka Nugaal lagu amray inay joojiyaan Xafladaha, Aroosyada la qabto, Garoonka Ciyaaraha, Odayaasha Siyaasadda ee isugu yimaada, iyo dhamaan meelaha kale ee dadka isugu tagaan.
Dhinaca kale Guddiga nabad-galyada Gobolka Nugaal ayaa shaaciyay in la mamnuucay keenista, ka Ganacsiga iyo cunista qaadka, waxaana Guddiga ay sheegeen in ciddii u hogaansami weydeyo amarkaas laga qaadi doono tallaabo adeg iyo ganaac.
Hoos ka Akhriso Qoraalka ay soo saareen Guddiga nabad-galyada.
