Taliye cusub ayey Kenya u soo magacaabeen Ciiddankooda ku soo laabtay Xeraddii ay ku lahaayeen Deegaanka Kul-biyow oo 18-KM u jira Xuduudka Kenya.
Taliyaha cusub ayaa lagu magacaabaa G/le George Osano, wuxuuna bedelay Taliyihii hore ee Xeradaasi, G/le Denis Girenge, kaasi oo ku dhaawacmay Weerarkii Alshabaab ku qaadeen Xeradda Kul-biyow.
Sarkaalkaasi waxaa dhaawaciisa la dhigay Isbitaalka Ciiddamadda Kenya ee Defence Memorial Hospital oo ku yaalla magaalladda Nairobi.
Weriye ka tirsan Wargeyska Daily Nation oo shalay booqday Kul-biyow ayaa sheegay in raadkii dagaalka laga dareemayo nawaaxiga Xeradda, isla markaana lagu arkayo matooradda gaadiidkii lagu gudbay Dagaalkaasi.
Taliyaha cusub ee Ciiddanka Kenya ee jooga Xeradda Kul-biyow, G/le George Osano ayaa u sheegay Wargeyska Daily Nation inay Khibrad ka qaateen Taatikadda Dagaalamayaasha Alshabaab, waa sida uu hadalka u yiri.
©Radio Dalsan
