Wargeyska Maalinlaha ee The Nation ee ka soo baxa magaalladda Nairobi aya qoray in Labada Sarkaal ee la dilay la kala oran jirey Job Kiblet iyo Kiprotich Ng’eno.
Wargeyska waxa kaloo uu qoray inay Dagaalamayaasha Alshabaab weerarkii ay ku qaadeen Saldhigga Boliska ee Haamey ku qabsadeen rasaas fara badan, Qoriga MG Machine Gun, 2 Qoriga G3 iyo Qalabka Isgaarsiinta ee VHF Radio.
Boliska Kenya waxay kaloo xaqiijiyeen inay Alshbaab qabsadeen Gaari Land Cruiser oo ay Boliska Kenya lahaayeen, iyadoo sawirka gaarigaasi lagu soo bandhigay Warbahinadda ay Bulshaddu ku wada xiriiraan.
Dhinaca kale, Dagaalamayaasha Xarakadda Al-shabaab ayaa soo bandhigay Gaadiid iyo Hub ay ku soo qabsadeen weerar ay Khamiistii hore ku qaadeen Saldhigga Boliska ee Deegaanka Haameey ee duleedka Degmadda Garissa ee W/bari Kenya.
Xarakadda Al-shabaab ayaa dhawaan gaadiidkaasi iyo maydadka 2 Sarkaal oo Kenyan ah ku soo bandhigay Degmadda Jilib.
©Radio Dalsan
