Xiriirka kubadda adduunka ayaa muddo 12 bilood ah shaqada laga hakiyay madaxa xiriirka kubadda cagta Falastiiniyiinta kaddib markii uu ugu baaqay tageerayaasha Falastiin inay dab qabadsiiyaan funaanadaha iyo sawirrada cayaaryahan Lionel Messi.
Jibriil Rajoub ayaa lagu ganaaxay inuu bixiyo 15,826 Gini islamarkaasna la sheegay inuu jeediyay hadalo kicin iyo rabshado dhalin karo ka hor cayaartii saaxibtinimo ee dhex mari lahayd xulka Argentina iyo Israa’iil bishii June taaso baaqatay.
Madaxa xiriirka kubadda cagta Falastiin Rajab hadda kama qayb geli doono tallaabo kasta oo ku lug leh cayaaraha.
Bishii June ayay ahayd markii wasiirka arrimaha dibadda Argentina Jorge Faurie uu sheegay inuu rumaysanaa in xulkiisa qaranka aysan ku rajo waynayn inay la cayaaraan xulka Israa’iil.
Markii la hakiyay, xiriirka kubadda cagta Falastiiniyiintu waxay soo saareen bayaan ay uga mahad celinayan Messi iyo cayaartoyda kale.
Rajoub ayaa shir saxaafadeed ka sheegay sidatan ” Waxaa dhacay ayaa umuuqda in adduunka uu kaar cas uu taagay Israa’il.
Wuxuu horaan ku eedeeyay Israa’iil in kubadda ay u adeegsanayso arrimo siyaasadeed.
Xiriirka kubadda cagta Israa’iil ayaa wacad ku maray in Rajoub iyo xiriirka kubadda cagta Falastiiniyiinta lala xisaabtami doono.