Burcad Hubeysan oo Tanzanian ah ayaa la sheegay inay weerar ku qaadeen Hoy ay degganayeen Afar Gabdho Soomaaliyeed oo Jaamacad ka dhigta caasimadda dalkaasi ee Darasalaam.
Burcadda ayaa la sheegay inay xoog ku galeen guriga ay degganayeen Gabdhahaasi, isla markaana ay u geysteen Jirdil iyo Dhac baahsan.
Mid ka mid ah Gabdhahaasi oo saakayto lagu wareystay Laanta Afka Soomaaliga ee Idaacadda VOA-da ayaa sheegtay inay Burcaddu dhaawac culus u geysteen gabar ka mid ah Ardayda dhawaan qalin jebin lahaa.
Gabadhaasi oo dhawaac culus looga dhuftay Madax ayaa la sheegay inay u geeriyootay dhaawacaasi, inkastoo Dhakhaatiirta ku dadaaleen.
Sidoo kale, Burcadda ayaa la sheegay inay Marxuumadda geeriyootay ka dhaceen lacag dhan 2,000 oo Dollar oo ay maalin ka hor ka soo qaaday Shirkad Xawaalad.
Burcadda waxay kaloo dhaceen Laptop, IPAD, Mobaylo iyo hanti kale.
©Radio Dalsan
