Gaalkacyo: DHAGEYSO:- Maamulada Puntland iyo Galmudug oo heshiis ku gaaray in la’isku furo Gaalkacyo

Waxaa maanta maagalada Gaalkacyo xarunta gobolka Mudug heshiis ku saxiixday Puntland iyo Galmudug oo heshiis ku gaaaray in maanta wixi ka danbeeyo la’isku furo wadooyinka magaalada Gaalkacyo oo ku xirmay daagaladii Sokeeyey ee ka dhacay magaaladaas.

Gudoomiyeyaasha Gaalkacyo ee Puntland iyo Galmudug ayaa saxiixay heshiiska ay gaareen labada maamul, si la’isuku furo gabi ahaan Gaalkacyo,waxaana ku qornaa heshiiskaas sidii loo  furi lahaa wadooyinka magaaladaas.

Gudoomiyaha degmada Gaalkacyo ee Galmudug  Xirsi Yuusuf Barre waxa uu sheegay in sida ugu dhaqsiyaha badan uu ku dhaqan gali doono heshiiskaasi.

Dhinacakale maanta waqooyiga magaalada Gaalkacyo ciidamada Puntland waxaa ay ka sameeyeen howgal, iyadoo ciidamo fara badan lagu soo daadiyey saakay xaafadaha waqooyiga magaaladaasi, baaritaanka ayaa daba socday dhawaac shalay magaaladaas loogu geestay xildhibaan katirsanaa Puntland oo uu dhaawac ka soo gaaray qarax loogu xiray gaarigiisa.

Goob-joogayaal ayaa usheegay Rdio Dalsan in howlgalkaasi lagu soo qabtay dad badan oo looga shakinayo falalka amaan darri ee Gaalkacyo.

Halkaan hoose ka dhageyo Codka.

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media