Qarax weyn oo dayankiisa laga wada maqlay Muqdisho ayaa waxa uu saakayto ka dhacay meel ku dhow Hotelka Dayax oo ku yaalla inta u dhexeysa Isgoysyadda Dabka iyo Sayidka ee Waddada Maka Al-mukarama.
Dadka deegaanka oo aan la hadalnay ayaa sheegay inuu qaraxu burbur u geystay qeybo ka mid ah Dhismayaasha ku dhow-dhow ee Degmooyinka Waaberi iyo H/wadaag.
Wararka hordhaca ayaa sheegayo inuu socdo dagaal fool-ka-fool ah oo u dhexeeya Dagaalyahano Alshabaab iyo Ilaaladda Hotelka Dayax, waxaana la sheegay inay jiraan dad ku dhintay iyo kuwo ku dhaawacmay rasaasta la is-weydaarsaday.
Mid ka mid ah Weriyayaasha ka hawgala Muqdisho ayaa ka mid ah dadka rayidka ee ku dhawaacmay qaraxaasi.
Warar ayaa sheegayo inay Dagaalyahano Alshabaab gudaha u galeen Hotelka Dayax, waxaana goor dhow uu qarax labaad ka dhacay gudaha Hoteelkaasi.
Dhinaca kale, Xildhibaano ka tirsan Barlamaanka Federalka ayaa deggan Hotelkaasi oo ka mid ah Hotelladda ugu casriyeysan ee ku yaalla magaalladda Muqdisho.
©Radio Dalsan
