Boliska Maraykanka ayaa sheegay inay dileen Sayid Ridwaan Faaruuq oo 28-jir ahaa iyo Tashfiin Maalik oo 27-jir ahayd, kuwaasi oo lagu tuhunsan yahay inay ka dambeeyeeen Weerarkii xalay ka dhacay Xarun ku taalla Degmadda San Bernardino oo 100-KM dhinaca Bari kaga toosan magaalladda Loos Anjelis ee Gobalka Kaliforniya
Weerarkaasi waxaa lagu dilay 14 qof, laguna dhaawacay 17-kale oo 10 ka mid ah xaalladooda aad u liidato.
Labada Eedeysane ee geystay weerarkaasi ayaa la tuhunsan yahay inay is-qabeen ama ay ahaayeen Lamaanayaal isku calmanaa.
Taliyaha Boliska Degmadda San Bernardino oo lagu magacaabo Jarood Burguwan ayaa sheegay inuu Sayid Ridwaan Faaruuq ku dhashay Maraykanka, kana shaqeyn jirey goobta la weeraray, iyadoo aan Tashfiin Maalik la aqoonin halka ay ku dhalatay.
Labada qof ee Weerarka geystay ayaa la sheegay inay wateen Labis u eg dharka Ciiddanka, waxayna tacshiirad si saf-mar ah ula raaceen dadkii ku sugnaa Xafladaasi
