Wasiiradda  Is-dhaxgalka Bulshooyinka ee dalka Denmark, ayaa ugu baaqday Hay’adda QM ugu qaabilsan Arrimaha Qaxootiga ee UNHCR in la adkeeyo Shuruudaha lagu qaabilayo Qaxootiga Magangelyo-doonka ah.
Wasiiradda oo lagu magacaabo Inger Støjberg ayaa sheegtay inay diyaar u yihiin inay sannadkiiba qaabilaan 500 Qaxooyi ah, iyadoo la raacayo Barnaamijka Hay’adda UNHCE ee Dib-u-dejinta Qaxootiga.
“Waa arrin waali ah inaan la wada qaadanin Qaxootiga ee fursadda saxada ku haysta gudaha dalka Denmark†ayey tiri Inger Støjberg .
Waxay intaasi ku dartay in loo baahan yahay inay Qaxootiga garwaaqsadaan inay bartaan Luqadda Danish-ka, dhigtaan Dugsiyadda oo ay wax bartaan iyo inay helaan Shaqooyin.
Wasiiradda  Is-dhaxgalka Bulshooyinka ee dalka Denmark, Inger Støjberg waxay kaloo ka hadashay inay dhibaatooyin ku qabaan Qaxootiga Soomaalida ee ku nool dalka Denmark, oo ay ku tilmaamtay inay yihiin Mushaakil kale oo dheeraad, marka loo eego Qaxootiga kale oo iyagu si fudud loo maarayn karo, waa sida ay hadalka u tiri.
Hadalka Inger Støjberg ayaa waxa uu ku soo beegmay, iyadoo ay Dowladda Denmark dejisay qorshe dib loogu soo celinayo Qaxootiga Soomaalida ee la diiday codsiyadooda Magangelyo-doonka ah, iyadoo ay Dowladda Denmark bixinayso kharajka Adeegga ay Qaxootigaasi ugu soo laaban karaan dalkooda hooyo.
Golaha Qaxootiga ee dalka Denmark (The Danish Refugee Council) ayaa ku booriyey Dowladda Denmark inay inay sii xushmeeyaan Oggolaanshaha qaabilaadda Qaxootiga soo magangala dalkaasi.
Waddanka Denmark waxa uu ka mid yahay 28-ka waddan ee  kaalinta weyn ka qaata Barnaamijka Dib-u-dejinta Qaxootiga ee Hay’adda UNHCR.
© Radio Dalsan
