Dowladda Federaalka Soomaaliya ayaa si kulul u Cambaareysay falkii foosha xumaa ee xalay ka dhacay Magaalada Gaalkacyo ee Xarunta Gobolka Mudug,kaasi oo lagu 9 ruux oos shacab ahaa.
Wasiirka Wasaaradda Warfaafinta Xukuumadda Maxamed Cabdi Xayir Maareeye oo Goordhow dadka ka hadlay Telefashinka Qaranka ayaa waxaa uu sheegay in dowladda Federalka ay aad uga xun tahay falkii lagu dilay 9-kii qof,kuwaasi oo dhammaantood ahaa Muwaadiinin Soomaaliyeed oo aan waxba galabsan.
Dhacdadii lagu xasuuqay dadkaas ayaa waxaa uu ku tilmaamay inay tahay mid dadka Soomaaliyeed kala geyneyso,isla markaana waxaa uu sheegay in arrintaas aysan ku banaaneyn sharciga Islaamka iyo Bani’aadamka intaba.
Isaga sii hadlaayay Maxamed Cabdi Xayir Maareeye ayuu balan qaaday in dowladda Federaalka oo kaashaneysa hay’adaha amniga heer federal iyo mid dowlad Goboleed,Waxgaradka,Odayaashaka dhanka Culimadda inay dhacdadaas ku sameeyn doonaan baaritaano lixaad leh,isla markaana dadkii ka dambeeyay arrintaasi tallaabo sharciga waafaqsan lagu qaadi doono,cadaalana la horkeeni doono.
Sidoo kale waxaa uu tacsi u diray dhammaan Ehaldii iyo qaraabadii ay ka baxeen 9-kii qof ee xalay lagu dilay Koonfurta Magaalada Gaalkacyo ee Gobolka Mudug,kuwaasi oo dhammaantood ka soo jeeda deegaanada maamulka Koonfur Galbeed.
Dhinaca kale waxaa uu ka hadlay Wasiirka Wasaaradda Warfaafinta Xukuumadda Maxamed Cabdi Xayir Maareeye 4-tii ruux ee dhawaan lagu dilay duleedka Magaalada Dhuusamreeb,kuwaasi oo iyagan ka soo jeeday deegaanada Koonfur Galbeed.
