Saraakiil iyo Goobjoogayaal ayaa sheegay inay Dableydaasi iska caabin xooggan kala kulmeen Ilaaladda Ammaanka ee ku sugnaa Dhismaha Isbitaalka Sardar Maxamed Da’uud Khaan oo aad ugu dhaw Safaaradda Maraykanka ku leedahay magaalladda Kaabul.
Sarkaal dhinaca Ammaanka ayaa sheegay in 3 ilaa 5 dabley oo aad u hubeysan fuliyeen weerarkaasi, iyagoo xoog ku galay Dabaqyadda Sare ee Isbitaalkaasi.
Madaxweynaha dalka Afganistan, Ashraf Gaani oo ka hadlayey Munaasabadda Maalinta Haweenka ee 8-da Maarso ayaa sheegay inuu weerar Argagixiso ku socdo Isbitaalka Milliteriga.
Ugu yaraan 2 qarax ayaa laga maqlay Gudaha Isbitaalka oo inta badan lagu daaweeyo Askarta lagu soo dhaawaco Dagaalka ay kula jiraan Dagaalamayaasha Daalibaan.
Mid ka mid ah Dhakhaatiirta oo lagu magacaabo C/qaadir ayaa u sheegay Wakaalladda Wararka REUTERS inuu arkay Nin dabley oo ku labisan Jaakadda Dhakhaatiirta, kaasi oo toogasho ku dilay ugu yaraan hal qof oo Bukaan ah iyo mid ka mid ah Shaqaalaha Isbitaalka.
©Radio Dalsan
