Ciidamo farabadan oo ka tirsan kuwa Jubbaland ayaa saacadihii la soo dhaafay waxaa la geeyay qeybo ka mid ah degmada Luuq ee Gobolka Gedo halkaas oo lagu xareeyay Mid ka mid ah xerooyinka Ciidamada degmada Luuq.
Ciidamadan ayaa waxa ay wataan Gaadiidka dagaalka noocyadiisa kala suwan sida Shan ka mid ah Gawaarida loo yaqaano Dhashiikaha iyo Gaadiidka kale iyo Ciidamo saaran,waxaana Ciidamadaan horkacaya Wasiirka Amniga Maamulka Jubbaland.
Ciidamadaan ayaa ka baxay degmada Buulo-Xaawo halkaas oo bilihii u dambeeyay tababar ciidan loogu sameynayay,iyada oo la sheegay in la qorsheynayo in dhawaan Gobolka Gedo ka bilaabaan dagaalo ka dhan ah Al-Shabaab oo qeybo ka mid ah gobolkaas ku sugan sida uu sheegay gudoomiyaha Beled Xaawo.
Wararkii ugu dambeeyay ee nagasoo gaaraya degmada luuq ayaa waxa ay sheegayan in iminka halkaasi laga dareemayo dhaqdhaqaaqyo Ciidan ay wadaan ciidamada Kenya,kaas oo ku wajahan dagaal lagu qaado fariisimaha Al-Shabaab.
Saraakiisha Ciidamada Jubbaland ayaa waxa ay horay u sheegeen in ay ka Go’an tahay in ay la wareegaan Goobaha ay Al-Shabaab kaga sugan yihiin Gobolkaas.
