Ciidamada Xasilinta Amniga Muqdisho ayaa Maanta waxa ay degmada Wadajir ee Gobolkaan Banaadir ka sameeyeen howlgallo lagu xaqiijinayay dhanka amniga iyada oo inta uu howlgalka socday ay ciidamadu ku qabteen dad badan.
Ciidamada ayaa waxa ay tageen Goob ay ku sugnaayeen rag hubeysan oo watay dharka Shacabka oo Jidgooyo ay u taalay Xaafada Kaawa-Godeey,waxana intaas kadib maleeshiyaadkii hubesnaa ay rasaas ku fureen ciidamada xasilinta amniga iyaga oo dhaawacay mid ka mid ah Ciidamada xasilinta sida uu radio Dalsan ay u sheegeen dadka deegaanka.
Ciidamada xasilinta ayaa ugu dambeen ku guuleestay in ay qabtaan raggii la dagaalamay iyaga iyo hubkooda kuwaas oo hada lagu hayo Xarumaha ay ciidamada xasilinta ku leeyihiin Muqdisho si baaris loogu sameeyo.
Xaalada Xaafada Kaawa-Godeey ayaa haatan ah mid caadi ah in kastoo Daqiiqado kooban uu hakad galay isku socodka dadka iyo Gaadiidka balse haatan uu dib u soo laaabtay.
Ciidamada xasilinta Amniga Muqdisho ayaa dhowr mar sidaan oo kale waxaa dagaal kala horyimid Ciidamo kale oo diidanaa in hubka laga qaado kadib amar ka soo baxay Golaha Wasiirada Soomaaliya.
Hoos Ka Dhageyso Codka Goobjoogaha
