C/raxmaan C/Shakuur oo DFS ugu baaqay inay sii deyso Mukhtaar Roobow

Siyaasiga Cabdiraxmaan Cabdishakuur Warsame ahan Hoggaamiyaha Xisbiga Wadajir ayaa ka hadlay dib u heshiisiinta Madaxweynaha Galmudug Axmed Cabdi Kaariye Qoorqoor uu ka wado deegaanada Galmudug.

Qoraal soo saaray C/raxmaan C/Shakuur ayaa waxaa uu ku bogaadiyay daddaalka uu Madaxweyne Qoorqoor kula heshiiyay dadkii kasoo horjeeday Doorashadii uu kusoo baxay ee uu kamid yahay Madaxweynihii hore ee Galmudug Axmed  Ducaale Ducaalle Xaaf.

Sidoo kale C/raxmaan C/Shakuur ayaa waxaa uu sheegay inuu xog badan ka haayo heshiiska hordhaca ah oo ay gaareen dhinacyada isku haaya Siyaasadda Jubbaland ee Madaxweyne Axmed Madoobe, Xildhibaan Cabdirashiid Xidig, Cabdinaasir Seerar.

Dhinaca kale Hoggaamiyaha Xisbiya wadajir ayaa dowladda Federaalka ugu baaqay inay xabsiga kasii deyso Sheekh Mukhtaar Roobow Cali Abuu Mansuur si loo gaaro heshiis dhexmara Madaxweynaha Koonfur Galbeed iyo xubnaha Muraacadkiisa.

Hoos ka Akhriso Qoraalka uu soo saaray C/raxmaan C/Shakuur.

Waxaan bogaadinayaa daddaalka uu Madaxweynaha Galmudug mudane Axmad Qoorqoor kula heshiiyey mucaardkiisa. Waxaan xog ku hayaa in heshiiska Madaxweyne Axmad Madoobe iyo mucaaradkiisa heer gebagebo ah marayo. Waxaan dawlada Federaalka ah ugu baaqayaa in ay xabsiga ka sii dayso Mukhtaar Robow si loo gaaro heshiis dhexmara madaxweynaha Koonfur Galbeed iyo mucaaradkiisa ka dibna loo diyaar garoobo gogasha wadahadal ee Garowe fidsan.

Waxaan mar kale ku baaqayaa in aan dhamaanteen dadddaal wadajir ah u galno deminta dagaalada sokeeye ee duleedka Kismaayo, Degmada Wanlawayn iyo Diinsoor ka socda. Waa colaado danbiyo dagaal lagu galay, dhaawacayna dadnimadeena iyo magaca ummadnimo ee qarankeena.

Ilaahow quluubta dadkeena isku soo dhoweey, dhiiga qubanayana istaaji, dabaysha Koroonana Fayrisna itaal uma haynee naga badbaadi. Aamiin

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media