Dagaalamayaasha Xarakadda Al-shabaab ayaa soo bandhigay Gaadiid iyo Hub ay ku soo qabsadeen weerar ay Khamiistii hore ku qaadeen Saldhigga Boliska ee Deegaanka Haameey ee duleedka Degmadda Garissa ee W/bari Kenya.
Xarakadda Al-shabaab oo gaadiidkaasi iyo maydadka 2 Sarkaal oo Kenyan ah ku soo bandhigay Degmadda Jilib.
Afhayeenka Hawlgalladda ee Xarakadda Al-shabaab, Sheekh C/casiis Abu Muscab ayaa sheegay in weerarkii oo ka dhacay Deegaanka Haamey ku dileen 6 Askari oo Kenyan ah iyo inay 2 Sarkaal nolol ku soo qabteen.
Dhinaca kale, Hadal ka soo baxay Boliska Kenya ayaa lagu sheegay inay qiyaastii 50 Dagaalyahano Al-shabaab soo weerareen Saldhigga Boliska ee Deegaanka Haameey.
Boliska Kenya waxay sheegeen inay xoojiyeen Ammaanka Deegaankaasi, isla markaana ay Ciiddanka Boliska ee GSU wadaan Hawlgal ballaaran oo ay ku raadinayaan Saraakiisha Kenyanka ee ay Dagaalyahannadda Al-shabaab ku qabteen Dagaalkaasi.
©Radio Dalsan
