Wasaaradda Amniga ee Xukuumadda Federalka waxay ka mamnuucday Hay’adda Cilmi-baarista Sahan Research inay ka hawlgalaan gudaha Somalia, sababo la xiriira iyagoo khatar ku ah Amniga iyo Qaranimadda Somalia.
Sababaha soo dedejiyey in la joojiyey hawlihii ay Hay’adda Sahan Research ka waday Somalia ayaa waxaa ka mid ah iyadoo Agaasimaha Hay’addaasi oo lagu magacaabo Matt Bryden uu ka hadlay Khilaafka DFS iyo Maamul-gobaleedyadda.
Wareysi bishan December 14-dii lagu soo daabacay Wargeyska Washington Post ayuu kaga hadlay Xarigii Mukhtaar Roobow iyo Aragti uu ka bixiyey Khilaafka Dowladda Dhexe ee Federaalka iyo kuwa Maamul-gobaleedyadda.
Waxa uu si aan ganbasho lahayn u sheegay inay DFS tijaabinayso Rabitaankeeda lidka ku ah rabitaanka Maamulladda xubnaha ka ah Federalka.
“Tani waxay aad ugu eg tahay sidii ay DFS isugu tijaabinayso inay Rabitaankeeda u adeegsato mid ka dhan ah rabitaanadda Dowlad-gobaleedyadda xubnaha ka ah DFS†ayuu yiri Agaasimaha Hay’adda Cilmi-baarista ee Sahan Research, Matt Bryden.
Waxaa intaasi ku sii daray:- “Anigu ma arko qaab wada-xaajood loogu bixi karo arrintanâ€.
Si kastaba ha ahaatee, Xeeldheerayaasha Siyaasadda ayaa rumeysan inay DFS qoonsatay hadalka Matt Bryden iyo Cinwaanka Maqaalkii Wargeyska Washington Post ee hal-ku-dhegga looga dhigay: “Somalia waxay ku baraarugtay sidii ay uga hor tegi lahaayeen Hoggaamiyihii 2-aad ee Alshabaab inuu u tartamo Xafiiska.
