Faaf faahinno dheeraad ah ayaa laga helayaa dab ka kacay degaanka Bacaadweyn ee Gobolka Mudug, waxaana lasoo warinayaa khasare dheraad ah oo ka dhashay dabkaas.
Maamulka deegaanka Bacaadwayn ee gobalka Mudug ayaa sheegay in khasaara xooggan uu ka dhashay dabka oo ka kacay Kaalin Shidaal, waxaana maamulku uu xaqiijyay in 25 ruux ay ku dhaawacmeen halka hanti ka badan $ 17,000 ay ku bas beeshay dabkaas.
Dabka oo ku baahay qaybo kale ayaa la sheegay in lagu guuleysto damintiisa, waxaana dadka degaanka iyo maamulku ku guuleysteen in ay hakiyaan dabkaas oo sida la sheegay qaybo badan kusii baahi lahaa.
Dadka dhaawacmay ayaa lagu kala dabiibayaa Bacaadwayn iyo Gaalkacyo, waxaana ku jira kuwo ay soo gaareen dhaawacyo culus oo u baahan in deg deg loogu qaado magaalada Muqdisho ee caasimada Soomaaliya.
Maamulka ayaa magacaabay guddi u is taaga dadka ay dhibaatadu soo gaartay, waxaana Madax iyo Shacabba loogu baaqay iney ka qayb qaataan.
