Waxaa Maanta oo arbaco ah la filayaa in Magaalada Gaalkacyo ee Xarunta Gobolka Mudug lagu qabto Banaanbax ballaaran oo looga soo horjeedo Madaxweynaha Farankiiska iyo dowladdisa.
Culimada iyo qeybaha kala duwan ee Bulshada ayaa Gaalkacyo ka wada abaabul xoog leh oo ku aadan sidii ay u dhigi lahaayeen Banaanbax looga horjeedo Madaxweyne Emmanuel Macron, kadib markii uu u gafay Diinta, sidoo kalena taageeray Nin Sawir ka sameeyay Nebi Muxamed NNKH.
Qaar kamid ah Culimada Magaalada oo la hadlay warbaahinta ayaa shacabka qeybahooda kala duwan ugu baaqay inya kasoo qeyb galaan banaanbaxaas la doonayo in Maanta la qabto, isla markaana looga soo horjeedo Madaxweynaha Farankiiska, si loo loo muujiyo Jaceylka Nebi Muxamed NNKH.
Shalay ayay aheyd markii Magaalada Burco ee Gobolka Togdheer ee Somaliland lagu qabtay banaanbax ka dhan ah Maadxweynaha Fanankiisa iyo dowladdiisa, sidoo kalena halkaas lagu gubay Sawiradda Emmanuel Macron.
Dalal farabadan oo ka tirsan dunida Muslimka ayaa siweyn uga carooday hadalkii kasoo yeeshay Madaxweyne Emmanuel, waxaana dalalka Muslimka ka dhacay banaanbaxyo ballaaran oo looga soo horjeedo Madaxweynahaas.
