Kooxo hubeysan oo Burcad Koonfur Afrikaan ah ayaa xalay xaafad ka tirsan Magaalada Magalada Cape-Town ee dalkaas waxaa ay ku dileen Muwaadin Soomaaliyeed kana kamid ahaa Ganacsatada kunool dalkaas.
Muwaadinka la dilay ayaa waxaa lagu magacaabi jiray Ibraahim Maxamed Xasan, waxaana falka lagu dilay uu sigaar ah uga dhacay Xaafada Samora ee Magalada Cape Town, sida uu xaqiijiyay Abdi Alas Guure oo kamid ah hogaanka Jaaliyadda ee Gobolka Western Cape.
Ibraahim Maxamed oo ahaa 20 jir ayaa waxaa uu ka shaqeyn jiray goob Ganacsi oo ay leeyihiin Muwaadiniin Soomaaliyeed kuna taalla dalka Koonfur Afrika, waxaana goobta falka uu ka dhacay ka baxsaday ragii hubeysanaa.
Ciidamo ka tirsan kuwa Booliska dalkaas oo tegay goobta ayaa Dad Soomaali ah oo ku sugnaa halkaas u sheegay in ragii falka geystay ay Ciidanka ku raad-joogaan, isla markaana lasoo qaban doono.
Dalka Koonfur Afrika ayaa waxaa sanadkaan 2020 gudihiisa lagu dilay Muwaadiniin Soomaaliyeed, iyadoo aysan jirin cid wax ka qabata dilalka loo geystay Muwaadiniinta, waxaana dilalka usii dheer boob mararka qaarkood loo geysto goobahooda Ganacsiga.
