Sii-hayaha wasiiru-dowladda Wasaaradda Waxbarashada Xukumadda Federaalka Soomaaliya Cabdiraxmaan Maxamuud Cabdulle Jaabiri iyo xubno uu hogaaminayay ayaa gaaraya Magaalada Baydhabo ee Caasimadda KMG u ah Maamulka Koonfur Galbeed.
Wafdiga waxaa Garoonka diyaaradaha shaati gaduud ee Magaalada Baydhabo kusoo dhaweeyay mas’uuliyiin uu hor kacayay Wasiirka waxbarashada Maamulka Koonfur Galbeed iyo xubno kale.
Sii-hayaha Wasiir ku-xigeenka dalka Cabdiraxmaan Maxamuud Cabdulle Jaabiri iyo wafdigiisa ayaa baydhabo ku tagay mashaariic lagu hormarinayo waxbarashada.
“Waxaan maanta safar ku nimid aniga iyo wafdi aan hogaaminayo magaalada Baydhabo Jannaay ee Gobolka Baay oo aan ka sameyneyno mashaariic lagu horumarinayo waxbarashada, Waxaan u mahadcelinayaa wasiirka waxbarashada Koonfur Galbeed iyo qeybaha kala duwan ee bulshada magaalada Baydhabo ee soo dhaweynta diiran inoo sameeyay” ayuu yiri Cabdiraxmaan Jaabiri