UNHCR oo ka hadashay Qaxootiga Soomaalida ee Cuddurka Daacuunka ugu geeriyootay Dhadhaab.

Afhayeenka Hay’adda QM ugu qaabilsan Arrimaha Qaxootiga uga wakiilka ah Kenya, Duke Mawanja ayaa sheegay inay Hay’adda UNHCR ka shaqeynayso sidii loo kontorooli lahaa Cuddurkaasi oo ay ilaa iyo haatan u geeriyoodeen 7 qof oo Soomaali ah.

Afhayeenka oo la hadlayey Wargeyska Maalinlaha ee Daily Nation ee ka soo baxa magaalladda Nairobi waxa uu xusay in ay xaalladda liidata ee Faya-dhowrka Xeradda u sabab tahay inuu cuddurkaasi dillaaco iyo Roobabkii El-nino ee ka da’ay Xerooyinka W/bari Kenya.

Afhayeenka waxa uu tilmaamay inaysan Musqulaha ku yaalla Xeradda ku filnayn Qaxootiga, wuxuuna cabasho ka muujiyey Taageeraddii Beesha Caalamka ee Qaxootiga oo aad u yaraatay.

Hadalkiisa ayaa ku soo beegmay, iyadoo Hay’adda Dhakhaatiirta Aan Xuduudka Lahayn ee MSF ka digeen khatarta ka dhaalan karta haddii uu Cuddurka Koleeraha ku sii faafo dadka Qaxootiga, iyadoo la sheegay in 541-Bukaan lagu daaweynayo Isbitaalladda MSF ku leedahay Xerooyinka Dhadhaab iyo Xagar-dheer.

© Radio Dalsan  

About Dalsan Editor

View all posts by Dalsan Editor