Taliyaha Ciidanka Xoogga dalka Soomaaliya Jeneraal Odawaa Yuusuf Raage ayaa Maanta degmada Ceelbarde ee Gobolka Bakool kulan kula qaatay Taliye ku-xigeenka Ciidanka Xoogga gaarka ah ee dowlad deegaanka Soomaalida Sarreeye gaas Sakariye Cabdi Khaliif.
Kulanka ayaa waxaa uu ku saabsanaa adkaynta amniga iyo sidii si midaysan looga wada hortagi lahaa Al-shabaabka arbacadii lasoo dhaafay soo weerartey deegaano ka tirsan Bakool gaar ahaan deegaano ku yaalla xuduudka Soomaaliya iyo Itoobiya.
Sidoo kale inta uu socday kulanka Taliyeyaasha Ciidanka Xoogga iyo kuwa DDS ayaa la isku soo hadal qaaday sii xoojinta wada shaqaynta amniga iyo la-dagaallanka Al-shabaab sidii wada jir xuduudda looga saari lahaa.
Taliye ku-xigeenka Ciidanka Xoogga gaarka ah Sarreeye gaas Sakariye Cabdi Khaliif ayaa hoggaaminayey howlgalka maalmihii lasoo dhaafay ka socday deegaano ka tirsan DDS oo Ciidanka Liyuu Boolis kula dagaalamayeen Al-shabaabka u gudbay halkaas.
Khasaaro farabadan ayaa ka dhashay dagaaladii dhexmarayey Shabaabka iyo Liyuu Booliska, waxaana labada dhinac ay guulo ka kala sheegteen dagaaladii dhacay, iyadoo dowlad deegaanka Soomaalida xustay in lasoo afjaray howlgalkii socday
