Taliyayaasha oo habeen hore lagu amray inay ku soo laabtaan Nairobi ayaa wax laga weydiinayaa Faahfaahinta Weerarkii Alshabaab ku qaadeen Xeradda Ciiddanka Kul-biyow, halkaasi oo Askar Kenyan lagu dilay, kuwana lagu la’ yahay.
Taliyayaasha loo yeeray waxaa ka mid ah kuwa mas’uulka ah Guutadda Ciiddanka Kenya ka jooga Somalia iyo Taliyaha Taliska Dhexe ee Ciiddanka joogay Kul-biyow.
U yeerista Saraakiishaasi ayaa timid, kadib, markii ay Dagaalamayaasha Alshabaab weerar xooggan ku qaadeen Xeradda Kul-biyow kuna dileen in ka badan 50-Askar Kenyan ah.
Wargeyska The Standard ee ka soo baxa Nairobi ayaa qoray in ugu yaraan 68 Askar Kenyan lagu dilay weerarkaasi, sida uu ka soo xigtay ilo dhinaca Milliteriga, isla markaana ay Alshabaab gacanta ku dhigeen 27-kale.
Wargeyska waxa kale oo uu qoray in 30-maydadka Askarta laga soo dejiyey Garoonka Diyaaradaha Milliteriga ee ee Moi Airbase oo ku yaalla Xaafadda Islii ee magaalladda Nairobi.
©Radio Dalsan
