Tahriibayaal u badan Soomaali oo si nabad ah ku gaaray Jesiiradda Sishiliya ee Talyaniga

Markabka dagaalka ee Foscari oo ay Ciiddanka Badda Talyaaniga leeyihiin ayaa xalay ku xirtay Dekedda Augusta ee Jesiiradda Sishiliya, wuxuuna waday ku-dhawaad 335 Tahriibayaal u badan Somali iyo Nigeria.

Tahriibayaasha ayaa la sheegay in laga soo badbaadiyey meel 64 KM u jirta Badda Libya, iyagoo khatar ugu jira inay doonidooda degto.

Tahriibayaasha oo ay ka mid ahaayeen 38 haween iyo ilmo yar ayaa waxaa u gurmaday Markab ay Ciiddanka Badda Talyaaniga leeyihiin oo gaafwareegayey Badda Mediteraneanka.

Afhayeennadda Hayâ€™adda Save the Children, Jeeman Parkin ayaa sheegtay inay ku jireen haween xaamilo ah iyo dad u kala dhashay dalalka Somalia iyo Nigeria.

Afhayeenadda waxay sheegtay inay Tahriibayaasha u sheegeen inay soo mareen xallad xun, isla markaana aysan wax cunin muddo shan maalmood.

Tahriibayaasha waxay sheegeen inay ilaalo hubeysan haysteen muddadii ay sugayeen doonida, iyadoo 3 carruur ah ku geeriyoodeen muddadii ay ku jireen gacanta kooxaha wax tahriibiya.

Dhinaca kale, in ka badan 1,800 oo qof ayaa la rumeysan yahay inay sannadkan ku geeriyoodeen Badda Mediterraeanka, iyadoo in ka badan 900 qof ay isbuucii hore ku hafteen Badda.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.